पुसद शहरातील धोकादायक गतिरोधकांवर प्रशासनाचे दुर्लक्ष; मानव अधिकार सुरक्षा व न्याय परिषद आक्रमक
x पुसद | प्रतिनिधी पुसद शहरातील प्रभाग क्रमांक 1 ते 15 मधील विविध रस्त्यांवर अनियमित, निकृष्ट दर्जाचे व धोकादायक गतिरोधक उभारण्यात आल्यामुळे नागरिकांच्या जीवितास गंभीर धोका निर्माण झाला असून याप्रकरणी नगर परिषद प्रशासनाच्या निष्क्रियतेविरोधात मानव अधिकार सुरक्षा व न्याय परिषद आक्रमक झाली आहे. महाराष्ट्र प्रदेश अध्यक्ष श्री. मुरसलीन अ. शेख यांनी जिल्हाधिकारी यवतमाळ यांच्याकडे सविस्तर लेखी तक्रार सादर करून संबंधित अधिकारी श्री. शुभम आचमारे यांच्यावर कठोर प्रशासकीय कारवाईची मागणी केली आहे. तक्रारीनुसार, पुसद शहरातील अनेक रस्त्यांवर नियमबाह्य पद्धतीने मोठे स्पीड ब्रेकर उभारण्यात आले आहेत. तसेच रस्त्यांवर खडी, विटांचे अवशेष व बांधकाम साहित्य टाकण्यात आल्याने वाहतुकीस गंभीर अडथळे निर्माण झाले आहेत. या परिस्थितीमुळे वाहनचालक, दुचाकीस्वार, रुग्णवाहिका सेवा व पादचारी नागरिकांना मोठा त्रास सहन करावा लागत आहे. विशेषतः वृद्ध, महिला, विद्यार्थी आणि रुग्णांना याचा मोठा फटका बसत असल्याचे नमूद करण्यात आले आहे. याबाबत दिनांक 27 फेब्रुवारी 2026 व 4 मार्च 2026 रोजी नगर परिषद पुसद येथे लेखी त...